Harry Potter цуврал удахгүй дуусна. Харин жүжигчин Daniel Radcliffe яах бол гэж бодож байгаа бол жүжигчин маань ирэх оны ажилдаа ороод чамгүй хугацааг өнгөрүүлээд байгаа юм байна.
Тэрээр энэ удаад үлгэрийн гэмээр ертөнцөөс тэс өөр зүйлийг фенүүддээ "The Woman In Black" киногоор үзүүлэх гэнэ. Энэ бол сэтгэхүйн аймшиг. Уг киног нэрт зохиолч Susan Hill-н The Woman in Black туужаас сэдэвлэн бүтээж байгаа бөгөөд найруулагчаар James Watkins (Eden Lake) ажиллаж байгаа ажээ. Тэрээр энэ төрөлд нилээдгүй амжилт үзүүлж байгаа залуу найруулагч юм. Харин киноны гол дүрүүдэд Daniel Radcliffe, Ciarán Hinds, Janet McTeer нар дүр бүтээхээр болсон байна.Киноны үйл явдал
Залуу хуульч Arthur Kipps (Radcliffe) үйлчлүүлэгчийнхээ хүсэлтээр алс бөглүү газарт орших нэгэн тосгонд ирнэ. Тэр тосгоны хамгийн нууцлагдмал байшин түүний үйлчлүүлэгчийнх байх агаад Kipps ганцаараа нэгэн нууцлаг зүйлийн эрэлд энэ байшинд ажиллах аж. Хэсэг хугацааны дараа тэр байшинд ганцаараа биш гэдгээ мэдэх бөгөөд түүнээс гадна үргэлжийн хар даашинз өмсдөг нэг эмэгтэй энэ байшинд байдагийг мэднэ. Гэхдээ тэр бодит биш. Тэр нууцлаг зүйл залуу хуульчийн сонирхолыг татах бөгөөд түүний ардаас мөрдөж эхэлнэ.
Кино төсөл 2010 оноос эхлэсэн бөгөөд жүжигчин Radcliffe энэхүү кинонд тоглох болсон шалтгаанаа тус киноны зохиолчоор ажиллаж байгаа Jane Goldman-той холбон тайлбарласан байна. Тэрээр түүний гайхалтай гэмээр кино зохиолыг уншснаас болж уг кинонд тоглох шийдвэр гаргажээ. Кино ажил хэдийгээр 2010 оны 9 сард эхэлж зураг авалт дууссан ч нээлт нь ирэх оны 2 сарын 10 -нд болох юм байна.
1 comments:
Үзмээр санагдчихлаа. Сонирхолтой гоё кино байна. Хурдан гараасай. kkkk
Post a Comment